英超:曼城半場大起西布朗

曼城半場大起西布朗英超強弱懸殊之戰，曼城主場對西布朗，「藍月亮」曼城已經走出季初低谷，球隊愈戰愈勇，近3次主場更加全勝，合共轟入10球兼不失，預料西布朗防線難以招架，加上曼城近11次對賽全勝西布朗之餘，當中10次上半場已經領先，半場主勝賠率偏熱，可捧中位數1.5球嘅半場大。（Now621周三凌晨4時直播）曼城喺季初因為頻頻失分，導致爭標形勢上一直處於落後；不過呢支富豪球隊始終人腳質素佳，加上領隊哥迪奧拿教波功力深厚，佢哋已經重上正軌，並進身歐聯16強。趁明年2月中歐聯淘汰賽展開之前，曼城可以專注英超比賽，預料成績會穩步上升。雖然「藍月亮」上場作客僅同曼聯打和，但佢哋主場出擊一向贏波把握甚高，即使對弱隊亦絕不留手，往往可以迅速奠定勝局。其中近兩場英超主場分別大勝般尼5比0，以及贏富咸2比0，都係上半場已經攻入兩球，今場遇上護級分子西布朗，相信曼城上半場入兩球或以上，機會甚高。西布朗慣性捱打至於西布朗今季6場聯賽作客只有1和5負，其中5仗上半場落後，可見佢哋往往都係捱打，想守都守唔住，更何況今場對手係勁旅曼城，恐怕更加無還擊之力。西布朗對上1次作客曼城，大敗0比3而回，上半場19分鐘已經落後。另外，雙方近5次聯賽交鋒，有4次上半場總入球係兩球或以上，半場大值得捧場。