越南勢炒冇骨魚腩|東方日報

爭出線仲有價講！
今晚U23亞洲盃C組尾輪生死戰，越南U23喺烏茲別克中立場火併馬來西亞U23。越南依家僅得2分，但今仗對住冇骨魚腩嘅馬來西亞，只要贏波出線仲有價講，一定火力全開，直取讓球主勝。（周三晚9時開賽）

先講講C組形勢，南韓同泰國以1勝1和同得4分，位居頭兩名，而第3位嘅越南只得2分，不過要留意，佢哋頭兩輪正正打和上述兩大勁旅，非常硬淨。今輪南韓同泰國會正面交鋒，若果越南今仗擊敗對手馬來西亞，就會累積5分，假設「南泰」其中一隊輸波，越南便肯定晉級。
頭兩輪打和表現硬淨

若果越南贏波，另一邊廂「小太極虎」同泰國打和，就會出現3隊同得5分嘅情況，喺先計對賽下，就要視乎「南泰」賽果如何，因此越南至少要做好贏波本分。
睇番馬來西亞頭兩輪輸晒之餘，仲狂失7球，兩場都以3球差距輸畀對手，可謂不堪一擊，越南一定趁機盡數，讓球主勝咪錯過。