美聯:拿舒維爾主場蘇哥利

拿舒維爾主場蘇哥利周三早上美職賽事，拿舒維爾主場硬撼明尼蘇達聯。明尼蘇達聯雖位處西岸上游，但近期客場變軟腳蟹，造訪硬淨嘅東岸新軍拿舒維爾，多數冇運行，主勝有計。（myTVGold301、Now638、有線654及614台周三早上8時30分直播）明尼蘇達聯作客曳明尼蘇達聯位居西岸前列，不過近期飽受球員傷患困擾，除了艾馬尼拿、艾芬芬尼、奧斯禾度阿朗素及伊基奧柏拉打柴，首席門神泰拿米拿更因傷提早收咧，曾試用副選門將蘭捷辛格或丹尼佳亞把關，令防線出現暗湧。而且明尼蘇達聯近期客場戰績轉差，近5場作客只得1和4負，4場敗仗都係一失波就翻唔到身，如果睇近況，佢哋作客真係唔使睇。今季新加入美職嘅拿舒維爾，捱過頭6輪輸4場，交足學費之後，近期演出逐漸回穩，就算有阿布丹拿迪、美特蘭達及查比特因傷倦勤，近8場仍取得3勝4和1負，唯一敗仗係輸畀東岸榜首勁旅哥倫布機員，對手太強輸波亦情有可原。單計近5場主場，拿舒維爾取得3勝2和，為爭季後賽席位，遇上客場蟲明尼蘇達聯，有力贏波搶分。