世南美:阿根廷讓玻要反

阿根廷讓玻要反造訪地獄高原往績曳今晚續演世盃外圍賽南美洲區，玻利維亞主場迎戰阿根廷。阿根廷首仗憑美斯射入12碼，主場1球小勝厄瓜多爾，但演出欠說服力；玻利維亞近5次世盃外主場對阿根廷，錄得2勝2和1負不落下風，阿根廷冇必勝把握，讓球主客和揀番主隊好過。（周三凌晨4時開賽）阿根廷小組首戰雖然順利贏波，但一眾球星表現麻麻，前線美斯夥拍國米前鋒拿達路馬天尼斯，以及西維爾射手奧甘波斯，暫時未見擦出火花，因此上仗雖有6成控球率，但實際8次射門得2次中龍，入肉攻勢唔多，作為南美霸主之一，咁嘅攻力真係令球迷失望。上屆吞玻利維亞兩蛋事實上，阿根廷主帥史卡朗尼今次點兵，徵召多位西甲及意甲中游球隊戰將，硬淨有餘但創造力不足，後防起用河床孖寶門將法蘭高艾馬尼及中堅馬天尼斯古阿達，擺明針對今仗高原之戰，期望靠2位南美兵捱過玻利維亞地獄主場。玻利維亞起用首都拉巴斯國內班霸玻利瓦爾主場靴南度球場，海拔3,640米，過去有唔少報道都講過，作客球隊嚟親呢個球場，球員都感到不適要吸氧氣。玻利維亞首仗作客巴西淨吞5蛋，但返到主場肯定有唔同演出，上屆外圍賽就試過2比0擊敗阿根廷。翻查往績阿根廷近5次世盃外作客玻利維亞僅得1勝，而且外圍賽啱啱開始，唔一定要贏，今仗踢法會趨向保守，玻利維亞受讓，讓球主勝諗得過。