拖連奴主場至「安」心 意甲周中罕有地上演早場,中游嘅拖連奴高不成低不就,但勝在近7戰不敗,而作客到訪嘅安玻里雖然位列下游,不過就唔愁降班,所以貨比貨之下,都係揀拖連奴讓半球、一球嘅上盤穩陣啲。(周
拖連奴主場至「安」心
意甲周中罕有地上演早場,中游嘅拖連奴高不成低不就,但勝在近7戰不敗,而作客到訪嘅安玻里雖然位列下游,不過就唔愁降班,所以貨比貨之下,都係揀拖連奴讓半球、一球嘅上盤穩陣啲。(周三23,無綫網絡電視301頻道周三9:00pm直播)
拖連奴近況唔錯架,已經保持咗7場不敗,當中有6場係意甲,包括喺都靈打吡戰勇挫一哥祖雲達斯,而上輪聯賽就同巴勒莫踢成2:2平手,球隊兩度落後都靠般奴皮利斯同埋麥斯盧比斯追和,反映出鬥志同埋入球能力都唔錯,主場出擊值得追捧。
安玻里上輪意甲都以4:2爆冷贏拿玻里,戰果頗令人意外,不過呢場只係佢哋近5仗唯一勝仗,整體表現依然唔夠穩定,難怪目前只係排喺第15位,好在安玻里分數上安全,預期今晚早場到訪拖連奴會唔夠打,揀主隊開半球、一球嘅上盤正路。