英格蘭U21「牙」尖嘴利擁有哈利卡尼、丹尼艾格斯,同埋比拉希奴嘅英格蘭U21同攞住「同花順」冇乜分別,嚟到U21歐國盃B組首戰實力唔錯嘅葡萄牙U21換嚟高水,令到2.45倍主勝變得更加抵玩!(周四2,香港時間周五2:45
英格蘭U21「牙」尖嘴利
擁有哈利卡尼、丹尼艾格斯,同埋比拉希奴嘅英格蘭U21同攞住「同花順」冇乜分別,嚟到U21歐國盃B組首戰實力唔錯嘅葡萄牙U21換嚟高水,令到2.45倍主勝變得更加抵玩!(周四2,香港時間周五2:45am開賽)
上屆U21歐國盃英格蘭U21一樣係派出強陣,好似利物浦嘅佐敦軒達臣就喺陣中,點知最終3戰全敗出局,令到皮雅斯烏紗不保,相信繼任嘅修夫基唔會犯下同樣錯誤,今屆U21歐國盃叫晒一班大國腳「降呢」到U21坐鎮,唔只叫晒哈利卡尼、丹尼艾格斯同埋比拉希奴歸隊,龍門亦用到畢蘭特,而後防就有阿仙奴孖寶哥林張伯斯同埋贊堅臣,仲有愛華頓新星史東斯,係條中場線差啲,要靠修咸頓中場禾特普斯撐起大局。
當然,葡萄牙U21亦唔係一般嘅二流球隊,佢哋嘅冠軍賠率甚至仲熱過英格蘭U21,只係比德國U21稍冷而成為次熱門,不過要小心嘅係,全隊波代表次數最多嘅保羅奧利華拉都係得18次咁大把,偏偏隊波有法甲、西甲,甚至係土超成員,個人質素唔會比英格蘭U21輸蝕,不過講到合作性就好值得懷疑。