曼聯受讓快去“馬”明晨有唔少熱身賽進行,其中健力士國際冠軍盃,曼聯大戰皇家馬德里最受矚目,據聞最少吸引超過十萬球迷入場觀戰。唔出奇吖,兩隊都係當今受歡迎嘅球會,全球“粉絲”多到數唔清,賣個“朵”都夠。希望
曼聯受讓快去“馬”
明晨有唔少熱身賽進行,其中健力士國際冠軍盃,曼聯大戰皇家馬德里最受矚目,據聞最少吸引超過十萬球迷入場觀戰。唔出奇吖,兩隊都係當今受歡迎嘅球會,全球“粉絲”多到數唔清,賣個“朵”都夠。希望兩隊合演一場精彩比賽。
雲戈爾果然有料到,帶領曼聯三戰三勝。雖然上仗只係射十二碼擊敗國際米蘭,但場上明顯佔盡優勢,證明球員狀態一場比一場上力。朗尼、馬達、香川真司及新援靴里拉等,三場表現都有不俗發揮。今戰對皇馬,更加係雲戈爾省靚招牌的機會,必定排出最強人腳應戰,誓要取得連勝,加強球隊氣勢。
由於多名球星仍未歸隊,皇馬過去兩場並未踢出強勢,只入一球,進攻與防守都係一般。雖然C朗已歸隊,但上仗只做座上客,今戰亦未必上陣。當然,皇馬仍有唔少一線球員坐鎭,包括巴利、拉莫斯、柏比、摩特歷及阿朗素等,依然具一定戰力,不過頭兩場接連失分,已爭盃無望。安帥亦表明將會集中精力在下周的歐洲超霸盃,今仗爭勝心肯定不及對手曼聯。初盤皇家馬德里讓半球,人腳比較完整嘅曼聯值得捧場。推介:曼聯2:1